Vienan Karjala

Kirjutukset vienankarjalakse

“Kalevala” joga kukkaroh

Eeposan prezentatsiel Petroskoin konservatourien suomelas-ugrilazien rahvahien muuzikan laitoksen ruadai Igor’ Solovjov soitti kandelehel “Kalevalan” runuo tuulen roindah nähte. // Kuva: Ol'ga Smotrova

Tämä Barea-julguamon kniigu kuuluu Vuvven 2014 kniigu -kilbah, a sen prezentatsii piettih vaste mennyt nedälil Kanzallizes kirjastos.

“Kalevalan” uuzi painos on Leonid Bel’skoin kiännetty, sidä ven’ankielisty kiännösty pietäh klassiillizenny. Omas kiännökses Bel’skoi sai Puškinan palkindon. Enzimäine Bel’skoin kiännetty “Kalevala” piäzi ilmoih vuvvennu 1888. Sit aijas “Bel’skoin Kalevala” oli painettu äijän kerdua tässäh tämä kiännös pyzyy kuulužimannu ven’alazien keskes. Jälgikerdua Bel’skoin kiänettyy “Kalevalua” painettih Petroskoil vuvvennu 1989. Jällespäi kuulužuttu sai Eino Kiurun da Armas Mišinan kiännös...

Barea-julguamon piälikön Jelena Barbašinan sanoin mugah, mostu “Kalevalua” jo ammui kyzyttih linnan kniigulaukkoih. Nygöihäi laukois puaksuh taritah värikästy da kallistu “Kalevalua”, kudai hyvin pädöy lahjakse. B’udžetnois “Kalevalas” tänäpäi on hädä...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat