Karjalas vallitah vuvven 2014 parahat kniigat
Kilvas vallitah sežo paras kirju kanzallizil kielil: karjalan, vepsän da suomen kielel. Internetasgi rodieu iänestys, kudamas jogahine suau andua oma iäni miellyttäväs händy kirjas. // Kuva: Ol'ga Smotrova
Tavan mugah ozutettavakse pandih mennyt vuon painetut kniigat. Huolimattah sih, gu rahvahan jogapäiväzeh elaigah tuldih internettu da elektronnoit kniigat, kniigoin painamine Karjalas kehittyy. Mennyt vuon päivänvalgien nägi 635 kniigua. Net piästettih ilmah 21 julguamos da 20 julguandulaitokses. Kniigoin joukos on Karjalan kirjuttajien tevoksii, ammattilistu, kodirandu- da kaunehliteratuurua, tutkimusruadoloi, sego opastuskniigoi da kniigoi lapsile ven'an, karjalan, suomen da vepsän kielil.
Voiton 70-vuodehine merkipäivy nägövih
Tänävuon erikostu huomivuo kiinnitetäh projektoih, kuduat ollah omistetut Voiton 70-vuodehizele merkipäiväle. Ozuttelun avajazis sanottih, gu viijestostu vuvves kilbu hyvin kehityi. Nämmis vuozis palkindot sai piäl 140 julguanduprojektua...
-
Työnnä kirjutuš
-
Lövvit ku hairahtuksen, kirjuta meile!
Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.