Vienan Karjala

Kirjutukset vienankarjalakse

Uuzi-endine ministru

Andrei Manin: ”Lujendan, ku karjalazien yhteiskunnallizet liitot aktiviziiruittihes omas toimindas”. // Kuva: Natalja Antonova

Karjalan tazavallan piämies Aleksandr Hudilainen uvvistaldi halličuksen hantut (struktuuran). Kanzallizen poliitiekan, yhteiskunnallis- da uskondoliittoloin, lehtistön azielois vastuajakse ministrakse on pandu Andrei Manin, kudai sidä enne kodvazen aigua oli piämiehen sijahizennu Zakonoinhyväksendykerähmös.

“Andrei Manin, tiijän, on arvovaldaine ristikanzu tazavallas, hänen mieldy kuultah uskondollizien da rahvahallizien liittoloin rahvas”, suau lugie  halličuksen virallizel saital 11.kevätkuun uudizis http://gov.karelia.ru/gov/News/2015/03/0311_05.html. ”Oma Mua” tariččou lyhyön paginan uvven-endizen ministranke. Andrei Manin johäi oli profiiliministrannu vuozinnu 2006 – 2012, juuri Kondupohjan tapahtumien jälles. Juuri silloi Valdivollizes Komitietas luajittih ynnälline ministerstvu, ližättih ruadajii da ruvettih suamah hyväh sobuh Karjalan eri kanzoi. Silloi Ministerstvan ruadoh liženi uuttu:ekstremizman profilaktiekku da  kanzalaisyhteskunnan kehittämine.  

Andrei Aleksandrovič, oligo piämiehen miäräys vuottamatoi Teile?

Yleizet mielet  vikse oldih pohjannu täs, oli nevvottuu deputuatoinkegi. Miäriämine on tiettäväine dielo. Konfessionualizet da rahvahienvälizet kyzymykset ollah eduogevukset poliitiekas. Kačo, Ven’an Prezidentu Vladimir Putin on ehoitannuh premjer Dmitrii Medvedevale luadie Federualizen Kanzalližusagenstvan (Viraston) da 15. sulakuudu andua jo vastavuksen sih niškoi. Nygöi nämmä kyzymykset ollah federualizen kul’tuuruministerstvan čotil, ministran sijahizen Aleksandr Žuravskoin piän ual. Paginal on iččenäine Virasto da ruadojoukko sih...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat