Vienan Karjala

Kirjutukset vienankarjalakse

Mindäh on hyvä huogavuo Rodoksel

Prasonisi-kohtas Egeiskoi da Välimeri yhtytäh, kui sanotah suarel ”ukkavutah”. // Kuva: Jelena Filippova

Äijät meigäläzet suvaijah huogavuo meren rannal. Iče en kuulu niilöih, ga Rodoksel huogavundua nevvozin da kehittäzin. Mindäh ei. Rodos on Gretsien suariloi, kuulužimii turistukohtii. Sen randoi huuhtelou kaksi merdy: Egeiskoi da Välimeri. Enzimäine – päivänlaskupuolespäi, toine – päivännouzupuoles. Tullet ku Rodoksele, ga luuloi lämmittiä da kezoidu kylbie puuttuu kahtes meres. Ei joga kohtas tuommostu lykkyy piävy. Se on enzimäine syy Rodoksel käyndäle.

Suarel suat kaččuo da ihailla kaksi merdy. Egeiskoi on bauhuju, ualdoloilleh kai da ylen čoma kaččuo. Silmii ei sua ottua sen randuvies, kudai on kolmie eri värii – lähembä randua bir’uzovoi, sit muuttuu valpahansinizekse da čiisto sinizekse. Välimeri vastukarai on rauhažu, sen pindu on silei, zirkalo rouno da väri on tazaine, sinine. Sit on hyvä kylbie kezoidu. Sendäh konzu lähtettö huogavumah lapsienke, vallikkua parembi Välimeren randu. Ainos kaččokkua, kudaman meren rannal on teijän hotelli, ku huogavumah tulduu ei roinnus pettymysty. Kehtakkua lugie sidä, midä rahvas kirjutetah internetas sit libo täs hotellis, kerran ku nygöi nämmii tiedoloi da mielii löydyy kylläl. Tiedämättömih tänäpäi niken ei lähte.

Iče kehittäzin Egeiskoin meren, ku on ylen čoma. Kezoidu kylbijes, tiettäväine, pidäy olla varavozilleh. Ga hyväle uidajale nimittumannu kynnyksenny se ei rodei, a niilöile, ket suvaijah soudua lautal tuulel, se on pättävy kohtu huogavuo. Sanommo, sinun hotelli on yhten meren rannal, ga toizele vältämättäh voibi kävvä. Rodos ei ole suuri suari, sit ymbäri voibi ajua päiväs. Ottua vuograh mašin Rodoksel suau joga kohtas, mašinoin vuogrulaitoksii on äijy da ei ni ylen kallis vuogruandu olis. Pravat vai pidäy olla. Toizen meren rannale piäzet ainos: ičepiänneh mašinal libo ekskursien aigah, kudamii tarittavannu on äijy, libo autobusal, kudamii sežo kävyy puaksuh... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat