Vienan Karjala

Kirjutukset vienankarjalakse

Tuatas jiädih frontupajot

El’vira Ivdina on rakas pajattamah frontupajoloi, kudamii työndi hänele tuatto voinalpäi. // Kuva: Inna Gokkojeva

Jo 70 vuottu meni, ruvennet lugemah frontale lähtennyzien kirjazii, ga syväindy kolkuttau: voinu eroitti perehet, toi varavostu da vedi miljonoi nuordu toizele ilmale. Net, ket muga ni nähty ei omii tuattoloi da vellilöi, ijän kaiken elettih da tässähgi eletäh tusku syväimes.

Mustan tyttösty, kudai Nuožarven laval pajatti Olen rodivunnuh voinan lopus -pajon, se pajo lekutti monii syväimii.

El’vira Aleksandrovna Ivdinas Jessoilas sanotah: “Naine, kudai pajattau”. Häi pajattau iččeh niškoi hos kudamal čuasul, hos kudamal päiväl, toiči pajattau pruazniekkukonsertoisgi. Tuatto työndi hänele frontalpäi tetratin pajoloinke da kirjutti sih: “Minun armahale El’vira-tyttärele, anna säilyttäy, anna mustau”. El’vira Aleksandrovna pidäy ruokos tuatan kirjazet da fotokartočkat. Tuattua häi tiedäy vaiku omahizien mustelmien mugah, mustelmat net ollah kallehet... 

El’viran tuatan eräs kirjaine frontalpäi:

(kiännösven’an kielespäi )

08.03.42.

Terveh teile!

Terveh, minun armahaine akku Nadečka, muamoihut, tytär El’viročka. Toivotan teile kaikkie hyviä, parahii toivomuksii teijän nuorusaigah, enne kaikkie olgua tervehen, sidä omale ičelegi toivottazin…

Minä elän hyvin, olen tervehen. Kuibo sinä sie elät, oletgo tervehen, kuibo El’vira, kuibo mama voi? Armahaine minun Nad'uška, minä sai sinun kirjazen, kudamas ylen äijäl kiitän sinuu, kiitän, ku mustat, sinuugi, Nadečka, minä en unohta ni minuutakse. Nadečka, minä olin ylen hyväs mieles, konzu pagizin sinunke. Nadečka, kuldaine minun, minä työnnän teile sada rubl’ua, ku net suannetto, sit vie työnnän. Nadečka, minä kyzyzin kirjuttamah minule puaksumbah, aigu rubieu menemäh, myö rubiemmo tiedämäh toine toizes. Nadečka, minul on ylen žiäli sinuu, ku jygei on sinun elos, minul sendäh on kibei syväimel. Nadečka, linduine, sinä älä vai igävöiče minuu, sinule pidäy eliä ielleh, kazvattua tytärdy, kudai jällespäi vois tulla vastavuksele oman tuatanke. Nadečka, jogo meijän El’viročka maltau midägi? Sinä akkiloiče minun tytärdy. Nadečka, työnnä minule oma da El’viročkan fotokartočkat... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat