Vienan Karjala

Kirjutukset vienankarjalakse

Solomonan opastukset

Solomonan sananpolvien kniigu voibi suaha Oman Muan toimitukses. // Kuva: Margarita Kemppainen

Biblien kiännändyistituuttu piästi ilmah Solomonan sananpolvien kniigan, kudaman livvikse kiändi Zinaida Dubinina.

Muailman rahvahat omien pitkien eländykauzien aigua luajittih äijän unohtumattomii sananpolvii, sanondoi, arbaituksii da viizahii paginoi. Niidy saneltih polves polveh, toiči kirjutettih, gu net elettäs ijän. Muga rodih i tämä Sananpolvien kniigu. No se ei elä yksin, se kuuluu suureh kniigoin joukkoh, kuduan nimi on Biblii, tarkembah sanuo, se kuuluu sen ezmäzeh ozah, kuduadu ruvettih nimittämäh Vahnu Sana.

Tämä Sananpolvien kniigu on sivottu ennevahnallizeh Izrailan viizahimah tsuari Solomonah. Se kniigu kandau hänen nimie, no kniigas ollah ei vai hänen sanondat, no netgi, kuduat oli otettu toizih rahvahih kuulujil ennevahnallizil viizahil. Kniigas löydyy sanondoi kaikkih elaijan kohtih niškoi, tavallizes elaijas dai uskondollizis tapahtumis, lapsien kazvatamizes dai muan haldivoičendas, nagrettavua da moitittavua humalniekois dai kiitändysanua hyväs akas... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat