Vienan Karjala

Kirjutukset vienankarjalakse

Midä ei ozuteta muzeis

Pitkänrannan eläi Aleksandr Aksentjev ezmäi andoi muzeih vuvvennu 2013 Katitsanlammen järven luo löytyn ryndähänsuojus ala-ozan, nygöi häi lahjoitti muzeile kogonazen ryndähänsuojuksen teräsravvas. // Kuva: Ol'ga Smotrova

Nämmii harvinazii vehkehii ozutti lehtimiehile da saneli niilöis iče muzein johtai Mihail Gol’denberg:

– Tämä meijän fondan vuitti ei puuttunuh ozutteluh. Tahtommo sanelta sit lugijoile da TV:n kaččojile, sanelta, kui vešit puututah muzeih. Monii vehkehii tuvvah meile rahvas.

Mihail Gol’denberg mainičči, ku moizih suurih muzeiloih, kui Kanzalline muzei, ei oteta kai vahnat vešit peräkkäi. Otetah vai toven arvokkahat, ku vešin pidämizen ololoih menöy vägi tukku jengua. Moizien arvokkahien veššilöin joukkoh puututtih: ryndähänsuojus teräsravvas, kudaman ozat löyttih vuvvennu 1951 Petroskois da vuvvennu 2013 Pitkänrannan piiris. Oli ozutettu myös binokli, luzikku, käzirannehčuasut, hevon hengityssuojus da mustelmukniigu. Joga vehkehel on oma mieldykiinittäi istourii.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat