Vienan Karjala

Kirjutukset vienankarjalakse

Kižatanderele opastundan jälles

Kursilazet opastundan lopus suadih tovestukset da lahjat: rynnäsmerkit da valgienkuvastajat, kudamih on kirjutettu karjalakse: ”Minä pagizen karjalakse” da ”Pie varavostu!” Valgienkuvastajat karjalan kielel oli enzi kerdua luajittu.

Livvin kielen opastujien joukot tänävuon kui mennyt opastusvuon oldih aiga suuret. Kui enzimästy vuottu, mugai tostu vuottu karjalan kieleh opastujii pidi jagua vie kahteh joukkoh, ku olis parembi da helpombi ruadua. Eihäi suurel joukol sua opastuo kieleh. Nämä juatutgi joukot oldih aiga suuret, enämbi kahtukymmendy hengie oli toiči. Monile Kanzallizien kul’tuuroin keskukses ei täydynyh ni tilua stolan tagan, pidi laučoil istuo da kirjuttua kai polvel. Passibo Suomelas-ugrilazele školale, kudai andoi omat suurembat pertit ruadua da opastuo.

Opastunduvuozi viuhkahtih, emmo ehtinyh ni silmäl lipahuttua. Rouno ku vaste oldih kursiloin avajazet, jo pidi salbajazii varustua. Enzi kerdua kursiloin salbajazii piimmö mečäs, joven rannal. Kižatanderele tuldih enimät opastujat. Rahvastu kerdyi kylläl, sendäh kilbah niškoi kaikkii pidi jagua kolmeh joukkoh... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat