Vienan Karjala

Kirjutukset vienankarjalakse

Našto-kaunotar. Musiikkistarina.

// Kuva: Kuvat: Karjalan Tašavallan Musiikkiteatterin arhiivašta

Muajilmašša on ylen vähän lapšilla tarkotettuja oopperoja. Šentäh šuurena ilona oli še, jotta Salon työ šai hyvän tulokšen. Täššä teokšešša kaikki on niin šointusašti yhistyn: yksi kaunehimmista karjalaisista starinoista, musiikki, spektakli ta näyttelijät – kaikki tämä luonnollisešti šynnytti taitehilmijön. Näyttäy šiltä, jotta nykysie lapšie on vaikieta yllättyä tavallisella kanšanstarinalla. Ka lapšien täyttämäššä teatterin šalissa valtuau hil’l’aisuuš heti, kun šarven šoitto ilmottau, jotta matka starinah alkau. Šiitä kaikki tapahtuu musiikkiesitykšen lakien mukah: lavalla hyvät voimat taissellah pahoja vaštah, šana yhistyy musiikkih ta lauluh, ta näin šyntyy oikie ooppera.
Tietyšti näytelmän tyyli, šen yštävällini ilmapiiri on ohjuajan työtä. Näytelmän ohjuajana on Karjalan anšijoitunut artisti Snežana Saveljeva. Perintehen mukah lavalla esiinnytäh vanhat ta arvoššetut näyttelijät kuten Nina Boldireva ta V’ačeslav Terentjev, Jelena Polijenko ta Marina Žarkevič šekä nuoret ta tunnetut El’vina Mullina, Anastasija Averina, Ol’ga Maslova, Jevgenija Gudkova ta heijän kera lavalla tullah vašta alottelijat näyttelijät Anna Šalajeva, Jevgeni Šugai, Pavel Nazarov, Kirill Čursin ta muut.

Lugijan mielii
  • Karjalan Musiikkiteatteri09.02.2015 | 10:55
    Tekstin tekijän nimi on NATALIA GRODNICKAJA, ei Gorodnickaja. Sugaj on Evgenija.
    Kiitos julkaisusta!
Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat