Vienan Karjala

Kirjutukset vienankarjalakse

Uuzi kniigu lapsile

Suomelas-ugrilazes školas karjalan kieldy opastui F’odor Ovčinnikov hyväl mielel lugou oman tädin kerättyy ”Kumalikkuo”. // Kuva: Tamara Voronova

Lugemistu karjalan kielen livvin murdehel liženi. Uuttu vuottu vaste päivänvalgien nägi Kumalikko-nimine kniigu. Sen keriäjänny on žurnalistu sego karjalan kielen säilyttäi da kehittäi Ol'ga Ogneva. Piästiä ilmah moizen kniigan ehoitti Karjalan tundiettu kirjuttai da runoilii Aleksandr Volkov. Kniigan käzikirjutus oli valmis jo kolme vuottu tagaperin, ga dengua sen ilmah piästämizeh tazavallan Rahvahallizen poliitiekan ministerstval löydyi vaste tänävuon. Pidäy sanuo, gu kniigu rodih monisivuine, hyväluaduine da värikäs, läs jogahistu sivuu čomendetah erivärillizet kuvat, net piirustettih karjalazet taidoilijat. Kanziloin välih on kerätty lugemistu eri-igähizile lapsile da aiguzile. On runuo, arbaitustu, prouzua, fol'klourutevostu, kiännösty, kai ozutelmien tekstuagi. Jogahine voi suaja lugemistu oman kielitazon mugah. Kniigas voibi löydiä Vladimir Brendojevan, Zinaida Dubininan, Paavo Lukinan, Santtu Karhun sego toizien kuulužoin da vähäl tundiettuloin kirjuttajien tevoksii. Kaikkiedah on sadakolmekymmen tevostu...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat