Vienan Karjala

Kirjutukset vienankarjalakse

Ezi-ižien ečos

Videlen kyläs mennyt vuon kezäkuul eččijät nostettih muas piäl kahtenkymmenen saldatan luuloi. Jurii opastujienke puhtastetah luuloi omaluaduzil kistiloil. // Kuva: Diana Kvasnikova

Šuojun školas histourien perti rodih pienekse muzeikse. Muzein erähät vehkehet suadih muaspäi iče opastujat, kudamat kuulutah Rodnik-eččijien joukkoh. Lapsien tärgevimii löydölöi muzeis et näi.

Sidä lapsien eččijien joukkuo hommuau paikalline mies – Jurii Pavlovskii. Häi vedäy školas ižänmuansuvaičuksen urokkoi, iče on varmu: sih ei sua opastua, kui ei suagi opastua nägemäh libo kuulemah. Minun kyzymyksih vastates Jurii prižmi minus ennepäi: “Minun ruaduo ei pie kehuo, olen tavalline “tehniekkymies”.

Paginan aloh Jurii saneli äijän oman rannan histourieh nähte, häi hyvin tundou voinukartoi. Jurii jo ammui on kiinnostunnuh voinan histourieh, nygöi kerras sanou, mi tora kus oli, mustau päivän da aijan. Eččijäkse mies rubei kuuzi vuottu tagaperin, kuuluu Karelija-eččijien joukkoh, tundou oman ruavon hyvät da pahat puolet. Tämän opastusvuvven allus lapsien eččijien joukos oli kai nellitostu lastu, nygöi jäi viizi. Jurii sellitti: “Monet tahtotah piästä joukkoh, ga minunke on jygei ruadua”. Tiettäväine, eččojien joukkoh et ota kiakkii himoiniekkoi, dai segi on selgei: mečäs ammunduvehkehien keskes opi kurittua arteli lastu. Lapset ečitäh Ižänmuallizen voinan jälgilöi – surman suannuzien saldatoin luuloi da veššilöi da ammunduvehkehii omah muzeih nähte.

Meijän ei ole nimidä mečäs

Eččimisruadoiloih pidäy olla luba. Eččijät jo kaksi kerdua piettih ruadoloi Videles da kaksi kerdua Loimolas. Ruattihgi Šuojun kylän ymbäristös: Padosal löyttih kahten saldatan luuloi – pandih net muah Šuojun vahnan velleskalman tyveh. Sobii da ammunduvehkehii myöte lapset maltetah sanuo, oligo se meijän čupun saldattu... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat