Jevsejevien sizärekset: ”Kursiloile tulimmo kerras, konzu vai kuulimmo niilöis”

Jekaterina da Anna Jevsejevat ruvettih opastumah karjalan kieleh vuvvennu 2013 – Karjalan kielen vuvvennu. Opastutah sih jo tostu vuottu da tahtotah jatkua opastustu.

Terveh, Kat’a, terveh, An’a! Tahton vähäzen paista teijänke karjalan kieles. Sanelkua vähäzen omas ičes.

– Olemmo rodivunnuh da kazvanuh Karjalas, Sortavalas karjalazes perehes. Tuatto, muamo, buabat, died’oit – kai ollah karjalazet. Ven’alastu ei olluh. Perehes paistih kui karjalakse, mugai ven’akse, vaigu meidy karjalakse pagizemah ei opastettu, sendäh gu sil aijal karjalan kieli ei olluh ”trendas”. Kai sugulazet – yhtenigähizet, ei tietty karjalan kieldy. Monet ellendetäh, vaigu ei paista. Vahnembat ven’an kieldy opastuttih školas, a myö kazvoimmo ven’alazes ymbäristös...