Vienan Karjala

Kirjutukset vienankarjalakse

Karjalastu ymbäri muailmua

Karjalazien lippu liehuu Stokgol’man uuličal. Kerras näet ku sie ruatah karjalazet. // Kuva: Jegor Ruppijev

Oraskuun loppupuolel Ruočis Stokgol’mas piettih karjalan kielen kursit, kudamat kestettih kaksi päiviä. Kursiloin luadijannu oli Karjalan kielen suvaiččijat Ruočis -yhtistys.

Taloin, kus ruatah Ruočin karjalazet, vihjuat kerras, ku tullet vai sille uuličale, kus on Suomalainen kirjakauppa (karj. Suomelaine kirjulaukku). Nämmih tiloih Ruočin karjalazet on kerrytty jo monen vuvven aigah da alalleh. Pihalpäi seinäle on kai karjalazien lippu pandu. Gallen-Kallelan luajittu Uhtuon tazavallan lippu liehuu Stokgol’man tuulel da on hyvis nägyvis.

Algu nelli vuottu tagaperin

Enzimäzet kursit, juohatettih minule kursilazet, piettih nelli vuottu tagaperin. Silloi enzi kerdua olin Ruočis opastamas, tämä sit oli jo toine käyndykerdu. Rahvastu kui enzimäzile, mugai toizile kursiloile kerdyi hyvin. Kolmetostu hengie oli opastumas täl kerdua. Kolme heis oldih endizil – enzimäzil –   kursiloil da kaiken aigua nämmien nellän kulunuon vuvven aigua kerrytäh yhteh opastumah karjalua ičepiänneh. Kerättih rahvastugi iččeh ymbäri da joga toine nedäli ruatah Suomelazen kirjulaukas, kus heil on omat tilat ruadoh niškoi. Sih samazeh ruadoh niškoi oli perustettugi Karjalan kielen suvaičcijat Ruočis -yhtistys, kudaman piälikökse rodih Olli Hörkkö, paikallizen suomenkielizen TV:n toimittai, suguu myöte karjalaine... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat