Vienan Karjala

Kirjutukset vienankarjalakse

Opastustu suures sportumiehes

Anastasija Miskina kerran ku kučutanneh, ga uskaldi vie tulla Karjalah pidämäh master-kluassoi. // Kuva: Ol'ga Smotrova

Oraskuun allus Petroskoih enzi kerdua käi tundiettu tennisistu Anastasija Miskina. Anastasija on Roland Garros -kilvan voittajannu. Se on eräs nelläs suurimas tennisistoin kilvas, kudamii pietäh vuvven aigua. Sportua kaččojat da suvaiččijat vikse mustetah sen kilvan finualan, kudamas Anastasija kižai yhtes omamualazen Jelena Dementjevanke da voitti. Silloi vuvvennu 2004 Frantsies Roland Garrosas Anastasija rodih enzimäine meigäläzis naizis, ken voitti muailman nelläs suurimas kilvas. Niilöih suurimih da kuulužimih kuulutah Australian Open, Roland Garros, Wimbledon da US Open. Tädä enne nämmis kilvois voitettih vaiku meigäläzet miehet: Jevgenii Kafel’nikov Rolland Garrosas da Marat Safin US Open:as.

Tänäpäi monien kilvoin da turniiroin voittai Anastasija Miskina on jättänyh tennisan. Sanou: tuli vallita, jatkuago vai ei, ku hardielois oli satatus, pidi sit luadie leikkavus. Ei ruvennuh jatkamah, yhtelläh tennisas bokkah ei jiännyh... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat