Vienan Karjala

Kirjutukset vienankarjalakse

Meijän “Oma Mua”

// Kuva: Ol'ga Smotrova

“Omal Mual” täydyi 25 vuottu. Mielihyväl sydämen pohjas hyvittelen toimituskollektiivua lehten histouriellizen 25-vuozipäivänke!

“Oma Mua” on miehistynnyh. Sen pravvakkahat karjalasmielizet kirjutukset, mugaže kauniskirjutukset, kuigi runotgi, ollah tavallizel rahvahal helpot ellendiä da sydämel sulavii.

Vuvvennu 1990 kevätkuun 27. päivänny Karjalan kommunistoin alovehkomitiettu omassah piätöksel andoi luvan karjalankielizen Oma Mua -  lehten ilmahpiästämizele. Se oli meile Karjalan Rahvahan Liiton perustaijoukole, dai, tiettäväine, kaikile karjalasliikkeheh liittynyzile enziaskelii luadijoile heimohengizil rahvahil enzimäine suuri voitto.

Tädä kirjutustu smietiskelles käzih sain omas kirjutusarhiivas bumuagal painetun ruadivopaginan, kudaman olin lugenuh, konzu “Oma Mua” luadi enziaskelii. “Myö hätken olemmo vuottanuh omua kirjutettuu sanua, omua lehtie, kudaman kauti karjalaine vois taratella toizien karjalazien kel omis huolis dai ilolois sego suaha tiediä, midä muailmal kuuluu. Suurel vaival da pitkien paginoin piettyy karjalaine rahvas sai  lopul oman lehten, kudamal ihastuksis andoi nimen  “OMA MUA” – a ei kenentahto muun. Pidihäi karjalazen rahvahan n’urguo: “Andakkua meilegi valdu painua meijän omal muamankielel elävy sana bumuagal, andakkua meilegi valdu paista omien keskes omah luaduh omis huolilois, koitella kerätä rahvahan duumii yhtehizien dieloloin piendäh, suaha nostattua horroksispäi karjalazien kanzalline omatunto da suaha tolkuttomua karjalastu ellendämäh – sinä olet omua iččie menettämäs, opi se ellendiä... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat