Vienan Karjala

Kirjutukset vienankarjalakse

Ruočis olles käygiä Skansenah

Skansenas näet vahnua melliččiägi. // Kuva: Jegor Ruppijev

Skansen – mi se ollou? Se on pihal, pal’l’ahan taivahan ual olii muzei Ruočin piälinnas – Stokgol’mas. Se on sijoitunnuhes 30 gektuarale muadu da on muailmas enzimäine etnogruaffine ulgoilmumuzei, kudai perustettih vie vuvvennu 1891. Skansen on mägyričäl erähäl linnan suarel – Jurgordenal. Sil kohtua, konzu perustettih muzei, oli pieni puolustuskohtu, pienekse linnoituksekse vikse sidä voibi sanuo. Täs sanas tulougi Skansenan nimi, ruočikse ”skansen” tarkoittau samua.

Skansenan muat, hos nimittumua rajua niilöis ei nävy, ga on juattu kahtekse. Yhtekse, Skansen-muzei on suuri etnogruaffine muzei. Toizekse, sit on suuri zooparku, kudai on ainavo Ruočin piälinnas.

Endine elos elävytetty

Rahvahan kul’tuurah kiinnostunnuole Skansenan enzimäine oza ebäilemättäh roih mieldy myöte da painuu mieleh. Mibo ozii se on? Sidä vois verrata Kiži-suarel olijah muzeih, kus on säilytty vahnua taloidu da huonustu, ga Skansen sit puolespäi, emmo ota luguh kirikkölöi, on äijiä suurembi da voibi sanuo rikkahembi.

Skansenas,  oppikkuattos duumaija, on enämbi 150 taloidu, huonustu da konduu. Niidy ruvettih äijin tuomah muzeih sen enzimäzinny ruadovuozinnu kogo Ruočispäi – suves da pohjazespäi, päivänlasku- da päivännouzupuolespäi. Kai net ollah eri aigua nostetut. Ruočin muan kuvvendestostu vuozisuas algai histourii nämmih päivissäh nägyy nämmis talolois da salvoksis... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat