Vienan Karjala

Kirjutukset vienankarjalakse

Pitkän taibalehen enziaskelet

Viijen päivän aloh 25 lastu Karjalan eri piirilöispäi opastuttih karjalan, vepsän da suomen kielii. Se oli luagerin piätarkoitus. // Kuva: Jelena Migunova

Kezäkuun algupäivin Petroskoin linnas ruadoi etnokul’tuurine luageri ”Nuoret vastavutah Karjalan mual”. Sidä pidämäs oli kogo joukko virrallistu laitostu: Kanzallizen poliitiekan da Opastusministerstvat, Petroskoin valdivonyliopisto da Turizmukeskus. Moizen suuren pivon pidämizeh pidäy, tiettäväine, näppih den’gua olla. Enimät varat luagerin piendäh andoi Kanzallizen poliitiekan ministerstvu, se valmistigi kul’tuuruprogramman lapsih niškoi. Toizekse suurin den’guvuitti oli Opastusministerstvan annettu da se hommai opastundua.

Viijen päivän aloh 25 lastu Karjalan eri piirilöispäi opastuttih karjalan, vepsän da suomen kielii. Se oli luagerin piätarkoitus. Luagerih tulluot lapset ollah eri-igäzet, nuorimil on 13 vuottu, vahnembat ollah školua loppemas da tuliedu ammattii miettimäs. Kai nämmä lapset omis školis opastutah ken midägi kieldy.

Livvin opastujua oli viizi tyttyö, vienan karjalua tuli opastumah nelli hengie, saman verran vepsälästy tyttyö, dostalit oldih suomen kielen opastujat da heidy oli enimite.

Monenluadustu tieduo karjalazis, vepsäläzis da suomelazis

Veškelyksen školan yhtendentostu kluasan opastujat An’a Loginova da Al’ona Popova hyvin tietäh karjalan kieldy, kuduadu heijän školas opastutah kai lapset.

– Muga piätimmö, ku tahtozimmo tulla opastumah Petroskoin valdivonyliopistoh školan loppiettuu. Meil oli ekskursii yliopistuo myöte da meidy se ylen äijäl miellytti. Ga mittumale tiedokunnale opimmo piästä, vie tarkah emmo tiijä, sanotah tytöt... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat