Vienan Karjala

Kirjutukset vienankarjalakse

Mitein miušta tuli ”kyläbloggeri”

otettu Sel’skij bloger -kilpailun vK:ssa olijašta šivušta

ECHO-assossiatijo ta Karelika-turistifirma järješšettih Sel’skij bloger (karj. Kyläbloggeri) -kilpailun. Kilpailu alko 1. kešäkuuta ta šiih yhty noin 30 bloggerie ili ihmistä, kumpaset aktiivisešti kirjutetah Internetissä kaikenmoisie juttuja Karjalašta, karjalaisista kylistä ta paikoista, tapahtumista ta kaikešta, mitä nähäh ta kuullah.

Mie piätin kirjuttua kilpailuh omašta Tunkuo-kyläštä. Kyllä, mie enneinki kirjutin Internetissä šiitä, ka nyt tuli šemmoni virikeh, jotta pitäy kirjuttua joka päivä vaikka yksi-kakši juttuo. Niijen ei pie olla šuuret, tärkienä, jotta šitä olis mukava lukie ta še šais äijän like:ttä eli tykkyämisie Internetin käyttäjiltä. Vaikka kilpailu on venäjänkielini, mie yritän tutuššuttua lukijie ta kiinnoštunuita kaikenmoisih karjalankielisih šanoih ta šanaliittoloih, kerron Tunkuon kylän ta entisen piirin istorijašta ta nykyelošta, paikannimilöistä ta haukuntanimilöistä. Miula ruvettih kirjuttamah tuntemattomat ihmiset, hyö kerrotah, jotta ei ole konšana kuultu Tunkuošta ta nyt heilä himottais käyvä šielä. Toiset tuttavat kirjutetah ta pyritetäh kertomah mitänih mukavua. Mie tykkyän šiitä, ka šamalla tiijän, jotta jokahisešta internetti-käyttäjäštä voit tulla ihan šamanmoini bloggeri.

 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat