Vienan Karjala

Kirjutukset vienankarjalakse

Nouzou ku nostetah

Voibi sanuo, ku Vieljärvel nygöi on oma teatru karjalan kielel. Enzimäine spektakli, kudai ozutettih Karjalan kielen koin teatrujoukon rahvas, oli ”Kalevalan” mugah. Sen enzi-illas oli kul’tuuruministru Jelena Bogdanova. // Kuva: On otettu KKK:n arhiivaspäi.

Nengoman nimen andoi kniigale Martti Penttonen. Kniigas on kirjutettu kui Karjalan kielen kodii nostetah da Vieljärven eläjien mielii omas elaijas. Nimi on ylen hyvä, muga se on – kritikuičendal da itkendäl koit ei nosta. Koin nostandan tagan on suuri joukko, kaikile suuret passibot, ken on uskonuh täh ruadoh. Tämä nimi pädöy karjalan kielehgi, se nouzou, ku myö iče vai ruammo sen hyväkse da tovvellizesti uskommo sih, ku se on pättävy kieli tuliesgi aijas.

Kodi on zavodinnuh ruadamah vuvven allus. Vie ei olluh nimidä sydämes, vaiku seinii, da kerras rubei ruadamah nelli kerhuo. Kerhoin vedäjinny ilmai ruatah Nina Barmina, Vera Ivanova, Aleksandra Nikolajeva da Nadežda Zaitseva. Teatrujoukko Vera Dmitrijevnan ohjuandas on azunuh jo kolme spektaklii, jälgimäine “Samvuaru” oli ylen hyvä. Saimmo sidä nähtä jo kaksi kerdua Vieljärvel da vie Jyrgiläsgi. Moizen hyvän spektaklin erähät tuldih kaččomah tostugi kerdua. Tämän tagan on suuri ohjuajan ruado.

Äijy on vie ruaduo Koin sydämes. Pidäy azuo kai nenga, ku rahvas voidas kävvä Kodih lugemah, karjalankielizii raadivo-ohjelmii kuundelemah da TV-programmoi kaččomah. Kaikil ei ole Karjalan raadivo- da TV-programmoi omas kois. Vie voi kuunnella karjalankielizii iänikniigoi. Fiskul’tuuruvideoloi karjalan kielel rubiemmo azumah kezäl... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat