Vienan Karjala

Kirjutukset vienankarjalakse

Kuspäi olen rodužin

// Kuva: Kuva on otettu perehal’boumaspäi.

Kunnon ruadajat

Minä olen karjalaine, elän Jessoilas. Minun juuret ollah Priäžän piirin Rubčoilan kyläs. Minun ezi-ižät ollah muanruadajien karjalazien jälgeläzet. Minun died’oi – muaman tuatto – Foma Matvejevič Jermolajev kyndi vil’l’umualoi, ruadoi kodiruadoloi. Hänen akkah oli Žukova Aleksandra Grigorjevna, oli heil viizi lastu: Anna, Vasilii, Ivan, Mihail da minun muamo Ol’ga.

Karjalazet mužikat oldih ruadajat, joga ruado heil käis lähti: maltettih kyndiä, mečästiä, kalastua, sepän ruavon oli hyviä maltajua. Minun Foma-died’oigi suvaičči ruadua, hänel joga ruadoh oli neruo.

Foma Matvejevičan puuhizes kaksikerroksizes kois eli kaksi perehty – hänen da Andrei-vellen pereh. Kodi se nostettih sada vuottu tagaperin, eländytilat da huonukset ollah yhten levon ual. Se kodi on pystyi tänäpäigi, seizou kyläs moine čoma, oččuseinäl on galdarit. Nygöi kois eläy Foman bunukku, minun sevoitar Nikolai Jermolajev perehenke. Pihas oli kartohkupeldo, mustu kyly da aittu. Koin tagan oli suuri riihi, kus kuivattih jyvät...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat