Vienan Karjala

Kirjutukset vienankarjalakse

Koivusellän pos`olkal meinatah luadie uuzi kodi

Koivusellän vahnimii eläjii, lähimäzeh Ruokoski-kyläh rodivunnuh Šalgujeva Klavdija Vasiljevna (keskel, rv. 1934) omien sugulazienke Kinelahtelpäi. // Kuva: Natalja Antonova, ”Oma Mua”.

Käveltes - puustat koit da pihat, piästes – haudu havvas kiini

Koivusellän kylän oza on tuhanzien karjalazien kylien jyttyine. Se hävii jo ammui. Kylän tilah, vähästy loitombaite, Koirinojan da Kivijärven välil  jäi vie pos`olkaine, samanimine Koivuselgy, nygöi Vieljärven paikkukundah da Priäžän rajonah kuului.  Se azuttih vuvvel 1949 meččyruadajih niškoih. Sil aijal luajittulois barakkukululois vie tässäh eletäh, libo parembi sanuo, eleteltäh rahvas. Omin silmin näin, kui se elaigu menöy. Erähis barakois yhty puoldu riičitäh hallokse, toizes eletäh. Struasti on kaččuo... Puustat koit da pihat. Rahvastu pihois pikoi vähäine.

Vie 1970–vuozil pos`olkan kirjoil oli puolitostu tuhattu ristitytty, nygöi – läs 200. Puolet niilöis Koivuselläs ei eletä, muite ollah kirjoil. Äijät ket tullah vai kezäkse. Koivuselgy on Vieljärves kolmenkymmenen kilometrin piäs suomen dorogua eistyjes, päiväzenlaskendupuoleh. Kiänälmykses keskidorogaspäi allaten, nelliätostu kilometrii ajajes paginua piet – haudu havvas kiini... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat