Vienan Karjala

Kirjutukset vienankarjalakse

Karjalan Kielen Koin kolmevuodehizet

Omamualaine Valentina Mironova ”Oman Muan” toimituksen puoles hyvitteli ”Karjalan Kielen Koin” emändiä Ol’ga Gokkojevua da lahjoitti ruttoh kiehujan čainiekan. // Kuva: Ol'ga Dubitskaja

Pyhänpiän, 26. Heinykuudu, kylän jovensuus olijale mägyričäle, kudual kokottau ”Karjalan Kielen Kodi” vie enne puoldupäiviä rubei kerävymäh rahvastu. Dorogua myöte čuras-toizes pitkäh riädyh seizottih mašinat, kudamis oli suomen dai ven’an noumerat. Puolenpäivän aigah koin tyveh hurahtih suuri kul’tuuran ministerstvan Etnobus, kudual tuli suuri arteli petroskoilastu rahvastu.

Kolme vuottu tagaperin alguh oli pandu suuri projektu, kuduah ottavuttih kogo mierol – ruvettih nostamah kodii karjalan kieleh niškoi. Pluanois oli luadie moine keskus kyläh, kuduas kai toimindu menis karjalakse. Täkse päiviä on nostettu ravei kaksikerroksine kodi kuudeh miljounah rubl’ua. Enimät koin nostandah pietyt den’gat kerättih rahvas – Vieljärven kylän eläjät, lähi kylien da loittozien Karjalan hieruloin da linnoin ristityt. Suurdu abuu oli rajan toizel puolel eläjis karjalazis da suomelazis, koin luadimizeh annettihgi varua Karjalan b’udžietaspäi... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat