Vienan Karjala

Kirjutukset vienankarjalakse

Niken ei tiijä, kui meijän sana kajahtahes

Dmitriii Skir’uk (oig.) da Dmitrii Kazakov. // Kuva: Ol'ga Smotrova

Vastavuksele Kanzallizeh kirjastoh tuldih Petroglif-2015 -festivualih yhtynnyöt kirjuttajat-fantastikot Dmitriii Skir’uk da Dmitrii Kazakov, lapsenke vastavuttih lapsien kirjuttajat Jelena Usačova, Irina Mamajeva da Anna Matasova.

Puutuin paginale miehienke. Mollei ei olla ylen kuulužat kirjuttajat Ven’al, ga mollembil on äijy kniigua da kaikenmostu arvokastu palkinduo, mollembat ollah kirjoil Wikipediasgi.

Dmitrii Skir’uk on pagizii mies, maltau hyvin vastata pädijäh da tyhjäh kyzymykseh, rakkahal sanelou omas kirjuttajan ozas, sen hyvis da pahois puolis... Dmitrii Kazakov on ujo mies, hänel on 41 vuottu igiä da läs 200 omua kniigua...

Ielleh on erähät lapsien da ruavahien kyzymykset kirjuttajile:

– Sanotah, ku vagaval ristikanzal pidäy lugie vai realististu literatuurua, ongo se oigei teijän mieles?

– Ei, tiettäväine, kieldävyttih mollei. – Nikudai kniigu ei voi olla ilmai kirjuttajan keksittyy. Meijän elos on juonitoi, ku kirjuttua kniigua ihan elostu myöte, se rodieu atkal, sellitti Skir’uk.

– Midä mieldy oletto Kalevala-eepossah nähte?

– “Kalevala” on moine suuri luonnolline eepossu, kai pöllättäy. Tottu sanuo, en lugenuh sidä loppuh sah. Minun mieles, “Kalevalua” pidäy kuunnelta, eigo lugie. Minä en tunne “Kalevalan” ritmua, sendäh lugijes kai menöy “korvis läbi”, vastai Dmirtii Skir’uk.

– Minä luvin, ei miellytännyh, toinah vie en kazvanuh sih eepossassah, ližäi Kazakov...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat