Nuorien passiivižus vaigevuttau ruaduo

Suomelas-ugrilazien kanzoin nuorien MAFUN-liittoh kuulujat yhtyttih 12. kongressah kaksi nedälii tagaperin. Kongresan piendän kohtannu täl kerdua oli eestiläine Tarton linnu.

– Tahtommo luadie hyvät olot suomelas-ugrilazien kielien tutkimizele da kanzoin yhtehizele ruavole. Eestin halličus kannattau meidy täs ruavos, tovendau Tarton yliopiston uralilazien kielien dotsentu Tõnu Seilenthal.

Fenno-Ugria Noored -kanzallisliittoh kuului Tiina Kloosterin mugah MAFUN on hyvä kohtu paista sugukanzoin kel.

– Sen avul suomelas-ugrilazet nuoret voijah olla yhtehizes ruavos toine toizen kel. Sie mietimmö yhtehizen ruavon programmoi, väittäy Klooster.

Hyvih tuloksih huolimata 25 vuvven olemas olendan aigah MAFUN:an tulii aigu ozuttahes täkse päiviä huolestuttavannu. Nuorien liitto jouduu puaksuh kovah kriitiekkah. MAFUN:an piälikönny vuozinnu 2013-2015 olluh, Sugukanzoin ystävät ry:n halličukseh kuului Sampsa Holopainen on sidä mieldy, ku äijät probliemat endizelleh ollah sellittämätä da projektat todevuttamata...