Vienan Karjala

Kirjutukset vienankarjalakse

Kezä kestäy sissäh, kuni ruadau kezäteatru

// Kuva: Valentina Mironova

Kezäaigua puaksuh kävyn Suomeh da sie tuli ezih, gu kezäl suomelazil on äijy midä mieldykiinnittäviä. Ezimerkinny voijah olla kezäzet tanssulavat, kudualoih kävväh omua neruo ozuttamah eri-igäzet rahvahat. Toizennu hyvänny kohtannu on läs joga suurembazes kyläs da linnas ruadai kezäteatru. Kezäteatru tavan mugah algau oman ruavon oraskuun loppupuoliškol da jälgimäzet ezitykset pietäh elokuun puolesvälis, enne školan algavundua. Täh teatrah niškoi ei nosteta omua taloidu, ezityksii pietäh pihal, vaigu kaččojih niškoi pannah istundupaikat. Toiči piäle luajitah mitahto katto, se vahäzel avvuttau vihmusiäl. Ruatah nengomis teatrois ihan tavallizet ristittyöt, ket suvaijah teatrumuailmua da tahtotah oppie omua iččie täs dielos. Abuh heile, tiettävaine, tullah ammatillizet ohjuajat da muuzikot. Vaigu yksikai kezäteatrat pyzytäh elos vaigu rahvahal avul: yhtet ezitytäh da toizet mielihyväl kävväh kaččomah. Kezäzin teatrah kävijöi on enämbi migu kogo syvys-talven aigua...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat