Uuzi asfal’tu juamah, vahnu reunale!

Petroskoi-Suojärvi -juamu on pahimii Karjalas. Heinykuun keskivälil puutui kävvä Siämärven rannale Säpsän da Kuudaman välikohtale. Ajajes mašinal ei olluh aigua kaččuo čomua Priäžän piirin luonduo – ehtit vai alendua vauhtii da toiči azettuogi suurii da syvii haudoi kierdäjes. Erähis kohtis asfal’tua ei ole nivuose. Mostu dorogua ajajes terväh väzyt da murendat mašinan, puuttuu nähtä äijy avariinnoidu šeikkua, tiel toiči näet puhkattuloi šinoi da toizii mašinah kuulujii. Muadorogu Kuudamahpäi sežo toivottau parembua...