Vienan Karjala

Kirjutukset vienankarjalakse

Ken on piälimäine – kirjuttai vai kiändäi

Endine poliitiekku, prezidentu Jeltsinan nevvoi Sergei Filatov on Sotsio-ekonoumizien da intellektual’noloin programmoin fondan piämiehenny vuvves 1997. Omas elaijas da ruavos häi on kirjutannuh mondu kirjua. Eräs tärgevimis on “Soveršenno nesekretno”. // Kuva: Natalja Sinitskaja

Suuren fouruman valmisti Sotsio-ekonoumizien da intellektual’noloin programmoin fondu, kuduan piämiehenny on Sergei Filatov, endine poliitiekku, prezidentu Jeltsinan abuniekku.

Viizi päiviä kiändäjil oli valdu opastuo master-kluasois, lugie da kohendella toizien kiändäjien tevoksii, kuunnella luvendoloi kiändämizes da ven’an kieles, vastavuo kuulužien kirjuttajien da kiändäjien kel.

Kiändäjät ruattih kolmes joukos: Kavkuazan, t’urkoin da suomelas-ugrilazien kielet. Jälgimäzes joukos paiči karjalastu oli udmurtua, marilastu, mordvalastu da hantua. Suomelas-ugrilazien joukos oli ihan nuorikkastu kiändäjiä, kuduat vaste vie opastutah korgielois školis da opitah kiändiä omale kielele da omas kieles ven’akse, oligi jo ruavastu da nerokastu kiändäjiä, kuduat ičegi kirjutetah prouzua da runuo. Saranskan linnaspäi tulluh Tatjana Mokšanova ruadau Čilisema-lapsien žurnualas da kirjuttau runuo ven’akse da omal kielel – erz’akse. Loittozes L’antor-linnaspäi tulluh Galina Lapteva ruadau školas da opastau lapsii hantoin kieleh da sen ližäkse vie runoilou omal kielel da kirjuttaugi prouzua...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat