Vienan Karjala

Kirjutukset vienankarjalakse

“Nuori Karjala” menetti Petroskoin linnan suvvos

”Nuoren Karjalan” johtokundah kuulujat Natalja Antonova da Aleksei Tsikarev da jarjestön puolistai suvvos Maksim Oleničev meinatah midä ruadua ielleh // Kuva: Gleb Jarovoi

Kaikkih piettylöih puolistushommih huolimattah Nuori Karjala -kul’tuurujärjestö menetti suvvos, kudai piettih 7.syvyskuudu. Suvvos äijiä rahvastu ei olluh: järjestön johtokunnan kaksi hengie Aleksei Tsikarev da Natalja Antonova, kolme hengie lehtimiesty. Sotsiuallizis verkostolois “Nuordu Karjalua” soimattih, mindäh ei kučuttu rahvastu avvonazele istundole da ei ruvettu leviembäzesti jagamah tiedoloi suvvon piätökseh niškoi. Järjestön aktiivan mieldy myö, sytyttiä suurembua riidua ei maksa. Jo sentähgi Karjalan virguniekat ollah höpsistyksis. “Nuordu Karjalua” virrallizesti kannatettih Karjalan kymmenet yhteiskunnallizet järjestöt, tuhandet rahvas. Tazavallan piämiesgi Aleksandr Hudilainen kannatti “Nuordu Karjalua” julgizesti, ga vaikuttua tilanteheh jo ei voinnuh.

Žualobukirjazen kirjuttai jäi virtualizekse

Tämä oli toine istundo da Petroskoin linnalazes suvvos jälgimäine. Piätös ei ole nuorižo-organizatsien puolel. Paginoin aigah sai kuulta, kui hyvin varustuttih sih Piiterispäi tulluh puolistai Maksim Oleničev da istetsu Aleskei Tsikarev. Ilmai bumuagoi, hyvin opastunnuot da tarkat joga sanas, hyö maltettih puolistua organizatsiedu. Vastustuspuoldu edusti  Natalja Vedenejeva, justitsien ministerstvan ozaston piälikkö. Äijät kohtat hänen paginois bokaspäi kuunneltesgi ozutettihes heikkombazikse. Sanommo segi, ku anonimnoin kirjazen (min periä dielo “Nuordu Karjalua” vastah algavui) työndäi ristikanzu jäi suvvos tunnustamattomakse. Muga vai, K.Hristoforov... Enämbiä sanuo ei maltettu... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
Koudu: *
Partn`ourat