Vienan Karjala

Kirjutukset vienankarjalakse

Tule opastumah kiändämäh karjalakse!

Tule suamah vastavustu nämih da toizih kyzymyksih Päivännouzu-Suomen yliopiston karjalan kiändämizen opastusseminuarah. Opastuksen järjestäy Kiännä!-projektu, kuduadu rahoittau Konehen Fondu (Koneen Säätiö). 

Seminuaru pädöy kaikile karjalan kieles kiinnostunnuzile, ga harjoituksien luadimizeh pidäy olla karjalan kielen maltuo. Pätäh kai karjalan kielimuvvot! Gu ollet jo kiändänyh karjalakse, tule sanelemah omas kogemukses karjalan kielen kiändäjänny! 
Seminuarah yhtynnyöt suajah tovestukset. Seminuarah voibi tulla sežo vaigu kuundelemah. 

Ilmoittuakseh voibi sähköpoštači projektan koordinuattorale Natalia Giloevale adressih natalia.giloeva@uef.fi1.10.2015 sah. 

Kiännä!-projektu maksau nellän Ven’alpäi tulijan da nellän Suomespäi tulijan ozanottajan matkumenot. Enzimäzel paikal ollah net, ket tullah suorittamah kogo seminuaran harjoituksienke. Gu tarvinnet tugie matkumenoloih, työnnä vällymuodoine pakičus projektan koordinuattorale Natalia Giloevale (natalia.giloeva@uef.fi) 1.10.2015 sah. 
Ližätieduo suat koordinuattoras libo Kiännä!-projektan verkosivuloil http://kianna-hanke.blogspot.fi/ 

 

Kiändämizen opastusseminuaru

Kiännösseminuaran opastusmuvvot: Luvendot da harjoitukset. Erähät harjoitukset voibi suorittua verko-opastuksennu.

Opastuspäivät: piätenčy–suovattu 13.–14.11.2015, piätenčy–suovattu 29.–30.1.2016, piätenčy–suovattu 22.–23.4.2016

Syväindö: Ammattikiändämizen opastustu karjalan kielen kiändäjile da karjalan kielen kiändämizes kiinnostunnuzile. Kiännösseminuaras tunnustutah kui kiändämizen teourieh mugai käytändöhgi.

Opastajat: Päivännouzu-Suomen yliopiston kiännöstiijon da karjalan kielen azientundijat sego tulijat luvendonlugijat.

Opastuskielet: Opastus järjestetäh suomekse da karjalakse. 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat