Vienan Karjala

Kirjutukset vienankarjalakse

Rahvahienvälizet suhtehet korgiembale tazole

Kanzallizien yhteiskundujärjestölöin konsul’tatiivine nevvosto rubieu toimimah Karjalan piämiehen tyves. // Kuva: Ivan Stepanov

Konsul’tatiivizeh nevvostoh kuulujii da erähii virguniekkoi kučuttih sanomah omii mielii Karjalan Tazavallan kanzallispoliitiekan strateegien vuodessah 2025 -projektah näh. Strateegii, kudai rubieu toimimah meijän tazavallas jo vuvves 2016, on valmistettu Ven’an Federatsien Valdivon kanzallispoliitiekan strateegien todevuttamizekse.

Strateegies on kuuzi pygälehty: Yhtehizet kohtat, Rahvahienvälizien suhtehien tila Karjalan Tazavallas, Ven’an Federatsien kanzallizen poliitiekan tavoittehien todevuttamine Karjalan Tazavallan alovehel, Ven’an Federatsien Kanzallizen poliitiekan perussuundehet Karjalan Tazavallas, Strateegien todevuttamizen keinot...

Konsepsies Strateegiessah

Vuvvennu 1996 Ven’al hyväksyttih Ven’an Federatsien kanzallizen poliitiekan konsepsii, kudaman mugah elettih kai Ven’an subjektat. Erähis tazavallois, sanommo, Komis, hyväksyttih oma Strateegii. Karjalan Tazavallas vuvvennu 2007 sežo hyväksyttih oma dokumentu ”Kanzallizen poliitiekan strateegien perussuundehet vuodessah 2020”, kudai, tiettäväine, oli federuallizen strateegien myödäh. Vuvvennu 2012 Ven’al hyväksyttih Kanzallizen poliitiekan Strateegii vuodessah 2025. Ku Karjalan Tazavallan toimii dokumentu vastuas federuallizen Strateegien tavoittehii, vuvvennu 2015 valmistettih ”Karjalan tazavallan valdivollizen kanzallizen poliitiekan strateegii vuodessah 2025”. Sidägi nygöi kačotah ekspertat. Strateegii otetah käyttöh Karjalan tazavallas, konzu sen hyväksyy Karjalan piämies. Uvven dokumentan projektua suau kaččuo internetas:

http://nationalkom.karelia.ru/dokumenty/proekty-normativnyh-pravovyh-aktov/  da http://gov.karelia.ru/gov/Power/Committee/National/project.html

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat