Vienan Karjala

Kirjutukset vienankarjalakse

Mister Etno 2015 on anuksenkarjalaine Ondrei

Omua iččie ozutettih kaksitostu eri valdivolois eläjiä miesty: adiigu, armenialaine, zambiitsu, karjalaine, ven’an nemču, osetiinu, ven’alaine, tatarialaine, turkmienu, ukrainalaine, udmurtu da čuvaššu.

Tavan mugah kilbaillah da čomendellahes neidizet. Ven’an kul’tuuruministerstvan kannattettavu, kanzoinväline nuorižokilbu piettih syvyskuun lopul Ven’an keskipuolel, Volgan rannikon Uljanovskan linnas. Omua iččie ozutettih brihat. Adiigu, armenialaine, zambiitsu, karjalaine, ven’an nemču, osetiinu, ven’alaine, tatarialaine, turkmienu, ukrainalaine, udmurtu da čuvaššu – kaksitostu eri valdivolois eläjiä miesty iškeldettih kihlat, ken maltau parembi ozuttua omua kanzua da oman ičen luaduu.

Kuibo tuli mieli lähtie sinne? Kuibo otettih vastah?

– Ga kerran soiteldettih kanzallizien kul’tuuroin keskukses da ehoitettih. Mindäh ei, ajattelin. Karjalua sie ihaillah, pietäh kuulužannu matkustandukohtannu. Mainittih kerras meijän järvet, kalastukset, mečästykset. Rahvahal oli mieleh kuulta karjalan kieldy, arbailla mih se pohodiu. Udmurtanke opiimmo eččie kai yhtehizii sanoi. Kaikkienke kilbuniekoinke olimmo hyväs sovus, elimmö yhtes hotellis, harjoittelimmo. Sain ičelleni uuttu dovariššua. Toivon, ku ribiemmo pidämäh yhtevytty iellehpäi.  

Ollahgo čuasut toven kuldazet?

– Ollah taki, 585:tty mallii. Kallehet čuasut. Oijendi minulleni käzih net paikalline kul’tuuruministru Tatjana Ivšina, kudai oli arvostelendujoukos. Sanakse, kai sih kuulujat oldih naizet (nagrau). En ovvostas omua voittuo, buito petties se tuli. Ga tiettäväine syväindy lämmittäy...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat