Vienan Karjala

Kirjutukset vienankarjalakse

Alavozen školan elaigu

Nedäli loppih suurel hiihtopruazniekal, kudai yhtisti opastajii, školaniekkoi, kylän eläjii daigi kogo perehii. // Kuva: Jelena Tunkel'

Pakkaskuun jälgimäzel nedälil Anuksen piirin Alavozen školas piettih karjalan kielele, luonnole, kul’tuurale, literatuurale sego histouriele omistettu pidoloi.

Mostu nedälii pietäh Alavozes joga vuottu. Tavoittehennu on ozuttua školaniekoile oman Kodirannan rikkahuttu da opastua suvaiččemah sidä. Nedälin aigah opastujat käydih Nuorien luonnonsuvaiččijoin keskukseh, kus heile oli järjestetty Karjalan mečäle: sen eläjile, puuloile, kazviloile sego vardoičusruavole omistettu ekskursii. Anuksen padaniekoin ruadopertis školaniekat tuttavuttih karjalazien perindölöih, tiijustettih, kui pidäy luadie ezinehii saves sego opittih iččie padaniekoinnu. Anuksen rahvahallizen muzein roindupäivänny, 30. pakkaskuudu, avattih uuzi ozuttelu “Kalevala” on rahvahan viizahuon kniigu”. Enämbäl kaikkie lapsii miellytettih ozutettavakse pannuot Jurii L’ubimtsevan tuohes luajitut Kalevalan piähenget: Väinämöine, Ilmoilline, Kullervo, Louhi, hänen tytär sego melliččy Sampo. Sen ližäkse opastujat lugiettih “Kalevalan” runoloi, soitettih kandelehel, vastattih kyzymyksih, hyvin ozutettih “Kalevalan” maltuo...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat