Vienan Karjala

Kirjutukset vienankarjalakse

Igä eliä – ei peldo poikki proidie

Nämmih Veškelyksen eläjiih niškoi on kuvattu dokumentufil’mu. Se fil’mu on hyvä panos kylän histourieh. // Kuva: L’ubov’ Prisoškova

Veškelyksen Etnokeskukses 25. pakkaskuudu piettih dokumentufil’man toizen ozan prezentatsii. Fil’mah on kuvattu kylän vahnimii eläjii da nimekse on pandu – ”Igä eliä – ei peldo poikki proidie”.

Mustoitammo lugijoile, ku fil’mu se sai allun Omamualazet-kluubah kehoitukses da sen enzimäine oza jo oli ozutettu Elähtännyzien ristittyzien päivänny. Veškelykses on äijy ijän kaiken täs kyläs elänytty rahvastu. Sendäh myö piätimmögi luadie heih nähte fil’mu, ku ei vai omahizet, ga kai kyläläzet tiettäs heijän elaijas. Ku se fl’mu jiäs kylän histouriekse.

Fil’man enzimäzes ozas ”Minun vuvvet – minun elot” pagin oli Veškelyksen eläjis 1924-1929 roinduvuozii. Kaikis vahnimis. Hyö ollah veškelčät Marija Kurkojeva, Hilda Loginova, Marija Parfentjeva, Anastasija Lapičkova, Kuznetsovien molodoit – Ol’ga da Anatolii, Nikolai Parfentjev, Jelena Saveljeva, Grigorii Sotikov, Nina Pisareva, Anna Rodionova da Hauduvuaran eläjät Marija Malašina da Irina Zaharova.

Fil’man toizes ozas ollah kuvattu 1930-1932 vuozinnu rodivunnuot. Fil’man luadijat kohendettih toizes ozas kai, midä pidi kohendua, ylen äijy aigua meni fil’man leikkavukseh da iänittämizeh. Fil’man luadijat kerävyttih yhteh joga nedälii da šeikuittih kai ruavot. Veškelyksen eläjät ylen äijäl vuotettih fil’man prezentatsiedu, enimite – fil’mah kuvatut...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat