Vienan Karjala

Kirjutukset vienankarjalakse

Passibot kannatukses!

“Oman Muan” lugijat iče opittih vägie lehten toimittajan ruavos. Fotokartočkoin tukus heile pidi vallita lehteh pädijät. // Kuva: Ol’ga Smotrova, “Oma Mua”

Jo pordahii myöte nostes kuulimmo karjalastu pajuo, pajatettih sidä onnuako kahtehkymmeneh iäneh. Lämmäh pertih tulduu näimmö: rahvastu on täyzi perti. Meidy istutettih stolah da gostettih čuajul šipainiekoinke, kudamat, sanakse, enzi kerdua pastettih Karjalan Kielen Koin päčis. Omas puoles varustimmo rahvahah niškoi programman. Ezmäi “Oman Muan” piätoimittai Natalja Sinitskaja saneli lehteh nähte da toimituksen ruavos, potakoičči karjalazii kannattamah omua kieldy lehten tiluandal da luvendal. Sit Karjalan Kielen Koin rahvas suadih oppie omii mielii da neroloi lehten toimittajan ruavos.Toinah vieljärveläzis tuldas maltajat lehten toimittajat.

Kaikile, ket vie pahoi maltetah lugie karjalakse latinalazil kirjaimil, valmisimmö lyhyön lugemiskursin da luvimmo yhtes Raadivo-juumorukerdomuksen. Sih aigah azartua tävvet rahvas kižattih meijän uudeh stolakižah – pandih ičele maršrutan Karjalan kartal da “astuttih” sidä myöte vuorokkai...

Sil aigua toizes pertis “Oman Muan” toimituksen ruadai Margarita Kemppainen valmisti Karjalan Kielen Koin gostile ozuttelun. Ozuttelus ollah tytit XII-vuozisuan karjalazis sovis da vie äijy tyttilöin mugah “pienendettyy” ennevahnastu brujua. Ozutteluu voibi kaččuo kylmykuun 20. päivässäh...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat