Vienan Karjala

Kirjutukset vienankarjalakse

Kielikurššit nettih!

Netti-kurššijen presentatijo Aunukšen kirjaštošša. Alina Čuburovan käsissä on Jelena Filippovan Sanalipas-kirja, kumpani tuli kurššijen pohjakši. // Kuva: Olga Smotrova

Karjalankielisien kurššijen pohjakši tuli viime vuotena valmissettu Sanalipas-kirja. Šen luatijana on Oma Mua -lehen toimittaja Jelena Ruppijeva (Filippova), kumpani monta vuotta ruato Petroskoin valtijonyliopistošša karjalan kielen opaštajana ta šamalla piti kielen kurššija Kanšallisien kulttuurien keškukšešša. Jelenan kirja on värikäš ta mukava apulaini karjalan kielen livvin murtehen opaštumisešša. Šentäh internet-kurššijen luatimisešša Karjalan itämerenšuomelaiset kielet: uuvvet mahollisuot -projektin toteuttajat piätettih käyttyä juuri šitä kirjua. Kirjašša on äijän Anastasija Trifanovan kuvie, ne niise käytettih netti-kurššijen valmistuas’s’a.

Vepšän netti-kielikurššit valmisteli Petroskoin valtijonyliopiston nykyni opaštaja Ol’ga Žukova.

Nettikurššijen käyttöohjehet:

  1. Omašta sähköpoštista kirjuta nkudr@st.karelia.ru -adressih kirjasen, jotta yliopiston ruatajat rekisteröitäis šiut sistemissä.
  2. Vaštaukšešša yliopiston ruatajat kirjutetah šiula loginin ta šalašanan, kumpaset šie käytät, jotta piäššä nettikurššijen šivulla.
  3. Omašša Internet-browzerissa kirjuta http://webct.ru -ošoiteh ta paina ”Načat’” ili ”Aloittua”.
  4. Kirjuta login ta šalašana.
  5. Oppikurššijen listalta valiče ”Karel’skij jazik” ili ”Karjalan kieli”.
  6. Šiun ieššä on kakši tietä: Syväindö ta Šanakirju.
  7. Šyväindö on juattu kahteh ošah: enšin šie tutuššut aihien kera, tiijuššat uušie šanoja ta šen jälkeh šie voit luatie harjotukšie ta tarkaštua iččie. Testit ili kontrolliruavot on merkitetty kurssiivilla joka teeman alla.
  8. Šanakirja on šiula avukši, još et tiijä šitä ta toista šanua.

Hyväh lykkyh!

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat