Vienan Karjala

Kirjutukset vienankarjalakse

VIII Karjalazien Kerähmöh pidäy vallita 88 deleguattua kuun aigah

Karjalan tazavallan karjalazien VIII Kerähmön deleguatoin luvut

Tämä aigu hyväksyttih ruadojoukon istundol Rahvahallizen poliitiekan ministerstvas. Tälkerdazel kerähmöl rodieu kolmie deleguattua enämbi ielpiettyh verraten – 88. Kaksi paikkua liževöidy annettih Suojärven piirih, mindäh sendäh Kerähmön toizennu piän kaikin lähtietäh Veškelyksel da silpuolizil karjalazil ližättih hyviä mieldy varustanduhommis.

Mustoitammo, ku vuoronmugazen Kerähmön piendypäivät ollah 4.-5. kevätkuudu 2016 – net ollah suovattu da pyhäpäivy. Suovattan pietäh plenuman istundot Petroskoil Kanzallizes teatras, pyhäksepäiviä avtobusat deleguatoinke da gostienke pyörähtetähes Veškelykseh. Kaikkiedah rahvastu rodieu 200 – 250 hengen välis.

Painammo häväksytyt tiijot deleguattoih niškoih. Kerähmön vallittuloin nevvosto pokoroiččehes ruveta pidämäh vallečendoi kylis da linnois jo kiirehel, hätkestymättäh. Petroskoin deleguattoi ruvetah valliččemah piätenčän 4. talvikuudu 18.00 čuasun aigua suomelas-ugrilazes školas (M.Gor’koin piha, 2). Kučutah Petroskois toimijoin karjalazien kanzalaisorganizatsieloih kuulujua rahvastu.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat