Vienan Karjala

Kirjutukset vienankarjalakse

Petroskoi enne Petroskoidu

Šuojun nimie on opittu sellittiä moneh luaduh. Erähien tiedomiehien mieles Šuoju on lähtenyh suomelas-ugrilazes sui libo šui-sanas. Tämä ’sui’ on pitky, kaidu lahti, kuduah laskou suuri jogi. // Kuva: Tatjana Akulova

Lohmajärvi

Muinazis eläjis meil jiädih monet nimet, niilöin keskes Lohmajärvi. Tämän järven kauti Šuoju laskou Iänisjärveh. Lohmajärven nimie nimistöntutkii Irma Mullonen sellittäy nenga:

Nimen pohjannu vois ajatella vahnua suomelas-ugrilastu, libo itämerensuomelastu-saamelastu  sanua, kudai on saamekse lušma. Lušma on joven nišku, joven lähtökohtu libo joven laskukohtu järveh. Sana lušma itämerensuomelazis kielis rodih luhmakse. Lušmajärves rodih Luhma- libo Lohmajärvi. Se tottugi on jovenniškujärvi.

 

Šuoju – ennevahnalline piälimäine vezitie

Kerran Šuoju oli piälimäine tie ennevahnas, ga sit sen nimigi on innunmannunaigua annettu. Suurimat vezistöt – järvet, jovet, meret – suahah nimet enzimäzinny. Šuojun nimie on opittu sellittiä moneh luaduh. Erähien tiedomiehien mieles Šuoju on lähtenyh suomelas-ugrilazes sui libo šui-sanas.

– Tämä sui on pitky, kaidu lahti, kuduah laskou suuri jogi, sanou Irma Mullonen. – Ku kaččonemmo tädä kohtua täl kannalpäi, ga Petroskoin lahti vois olla juuri moine Suilahti, pitky da kaidu, kuduah laskou suuri jogi. Täs pidäy mainita, ku jovet tavallizesti suahah nimet alajuoksus, ei yläjuoksus. Sendäh gu rahvas enzimäi eloitetah joven alajuoksut, joven suut, sit vaste nostah sinne ylembä jogie myöte...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat