Vienan Karjala

Kirjutukset vienankarjalakse

Ilmun mäneššyš SunsEurope -festivalissa

Ilmu-ryhmän esiintymini Udine-kaupunkin lavalla. Kuvašša yhtyvehen solisti Tatjana Tkačenko.

Talvikuun alušša Italijan Udine-kaupunkissa piettih SunsEurope- kanšainvälini laulukilpailu. Tätä festivalie ili laulukilpailuo on ruvettu järještämäh 2009 vuuvvešta. Šen tavoittehena on popularisoija Europan vähemmistökielie.
Tänä vuotena kilpailuih yhty kymmenen lauluryhmyä ta hyö esitettih kappalehie omilla muamonkielilläh. Karjalan puolelta täh kilpailuh ošallistu nuori Ilmu -lauluryhmä, kumpani esitti Šuuret kivet -nimisen laulun.
– Ilmu-ryhmä on uuši projekti, kumpani on peruššettu vajua vuosi takaperin tiälä Petroskoissa, kerto Ilmu-ryhmän šoittaja Arto Rinne. – Šen alottajina oltih laulusolisti Tatjana Tkačenko ta elektronisen musiikin asientuntija Grigori Arhipov, kumpani šamoin on Petroskoin Blomberg- iänityšstudijon johtajana. Grigori on šitä enneinki esittän elektronista musiikkie muissa projektiloissa. Hiän kekšiy elektronista musiikkie tietokonehella. Tatjana vuoroštah šäveltäy laulumelodijoja ta vaštuau šanoista. Tatjanalla on karjalaiset juuret ta hiän on opaštun karjalua Jelena Filippovan karjalan kielen kurššiloillla. Ilmu ryhmäh kuuluu vielä muitaki šoittajie. Maksim Sel’ugin šoittau šähkökitarua, Vitali Tselob’onok soitta puhaltimia soittimia, säkkipillejä ja minä puolestani soitan oktavimagdoliinie ta kantelehta. Ilmušša on yhistyn elektronini ta akustini musiikki.
Arton mieleštä, še on mukava projekti hänellä, šentäh kun hiän ei ole konšana esittän elektronista musiikkie.
Enšimmäini esityš šuurella lavalla toi uuvvella ryhmällä mäneššykšen. Ilmu-ryhmä šai laulukilpailun Yleisön suosikki -palkinnon. Kilpailun enšimmäisen palkinnon šai Me plus Marie - lauluryhmä Sveitsistä, kumpaset lauletah retoromaanin kielellä.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat