Vienan Karjala

Kirjutukset vienankarjalakse

Suguu tutkijes

Varua seminuarah niškoi suadih Kanzallizen poliitiekan ministerstvaspäi // Kuva: Ol'ga Smotrova

Mennyt nedälil pandih algu Karjalan Rahvahan Liiton Perehen uardehet -projektale. Suuren projektan enimät pivot on omistettu Oma Mua -lehten 25-vuozipäiväle. Yksi niilöis – Oman suvun tutkimine – on sivoksis Karjalan kanzallizen arhiivanke. “Oman Muan” sivuloil da lehten internet-saital lehten toimittajat kučuttih omii lugijoi seminuarale kanzallizeh arhiivah, kus heidy opastetah tutkimah omua suguu. Mostu seminuarua projektan mugah on kaksi, enzimäine piettih 6. tuhukuudu. Himoniekkua opastumah arhiivuruadoh löydyi kerras, niidy tuli Priäžäs, Kalevalas, Jessoilas, Uvves Vilgas da Petroskoispäi...

...Seminuaral arhiivan spetsialistat ezmäi sellitettih, midä voibi kuuluo pereharhiivah da nevvottih, kui sidä arhiivua pidiä ruokos. Puaksuhhäi myö tahtommo säilyttiä syväimen kallehet dokumentat omah pereheh niškoi da meijän tiedämättömytty toiči hävitämmö net. A meijän perehal’bouman fotokartočkathäi da kirjazet voi olla tozi uarreh ei vaiku meijän pereheh, ga meijän muan histourieh niškoi.

Tiettäväine, suvun tutkimine ei algavu arhiivas, se algavuu perehehal’boumas da omahizien pagizutandas. Ollou ku tiijois enne vallankumovustu rodivunnuon ezi-ižän roindupäivy da roindukohtu, sit jo voibi lähtie arhiivah. Ruadua sie pidäy ičel – eččie omahizii suuris yhten-viijen sadavuvven vahnois metričeskolois kniigois. Seminuaras sellitettih, kui voibi kebjendiä sidä ruaduo da saneltih tavallizis hairahtuksis, kudamat luajitah rahvas arhiivudokumentoi šelailtes...

 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat