Vienan Karjala

Kirjutukset vienankarjalakse

“Kiži” arbaittau

Jelena Filippova arbaittau lapsile arbaituksii da sanelou, midä oli enne pertis da kui sidä käytettih // Kuva: Ol'ga Smotrova

Muzeinruadai Jelena Filippova kuččuu lapsii arbaitustu täydeh pertih: “Istavukkua da kunnelkua, minä arbaitan, työ arvakkua”. Arbaituksien emändy – muga nastu sanottih ozuttelun avajazil – sellitti: ozutteluh on otettu arbaituksii, kudamat koskietah kodii da pihua, myös elättilöi da luonduo.

Kuibohäi voi ozuttua arbaituksii? Net kai on kirjutettu puhizih lappuzih, kudamat on kiinnitetty ozuttelulaudoih libo širmoih. Arbaitettavu on piirustettu ozuttelulavvale, peitetty sih libo muite seizou ozutteluvehkehenny. Ozuttelun tarkoituksennu on ei vaiku opastua lapsii arbuamah, a vie ozuttua heile, midä oli käytös karjalazes, vepsäläzes libo ven’alazes perehes. Ozuttelus heile kerrotah, mi on kožino da mindäh kanoi piettih kois, mil lämmitettih samvuarua da mittumii kodiruadoloi oli rahvahal. Uuzii vahnah tabah luajittuloi brujii da lomuloi voibi ottua kädeh, kaččuo, toven vahnat ozutteluvehkehet on kiinitetty laudoih – niilöin vahnuttu niilöi ei sua koskie...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat