Vienan Karjala

Kirjutukset vienankarjalakse

Revinnyh kottu

”Revinnyön kotan” pajattajat da soittajat (hurualpäi oigiele): Maksim Malahovskii, Irina Pogrebovskaja, Pavel Andrejev da Aleksei Čaikin,

Mindäh ”Revinnyh kottu”? Nimi, et midä sano, pättävy on, ku mieleh painuu kerras. Veškel’čät iče sellitetäh, ku nimi löydyi kerras – konzu allettih pajattua, eihäi heil nimidä olluh, paiči virzuu, segi ei olluh luja, paikkuandua kyzyi. Sendäh rodihgi ”Revinnyh kottu”.

Konzubo ”Revinnyh kottu” on luajittu? Kaksi vuottu tagaperin, juuri kevättalvel Veškelykses piettih seminuaru ECHO-projektan hantuzis. Sih seminuarah tuli meigäläine pajattai da soittai Arto Rinne. Muuzikkumies nevvoi kyläläzii dai seminuaran rahvastu oigies pajatandas, soitandas, laval olendas. Sit tuligi mieleh luadie vie yksi pajojoukko kyläh. Veškelykses muite pajojoukkuo olis – jo kaksikymmen viizi vuottu kyläs ruadau folklourujoukko, kudai pajattau karjalakse. Täs kai lähtigi.

Ketbo pajatetah da soitetah ”Revinnyös kotas”? Pajattajua da soittajua on nelli – kolme miesty da yksi naine. Luvettelemmo kaikkii, ku jogahistu pidäy sanuo nimelleh. Jogahine heis on joga kyläläzien ruavos da dielos, kudai on kiini karjalazeh kul’tuurah da karjalan kieleh. Aleksei Čaikin – Veškelyksen etnokeskuksen piälikkö, Pavel Andrejev – kyläškolan liikundan opastai, Maksim Malahovskii – lapsienke ruadai da iče kylän piälikkö Irina Pogrebovskaja.

Midä pajattau ”Revinnyh kottu”? Pajatetah hyö karjalakse. Pajatetah uvvembii kirjutettuloi pajoloi da vahnoigi...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat