Vienan Karjala

Kirjutukset vienankarjalakse

Julgavot ližetäh, a kusbo ostua?

Kuibo suattua kirjat lugijoile? Ičeväil, suuri takku selläs da hyvä mieli keräl. Eigo räkki siä, eigo vihmu vie pöllätetty meigävellie. Ga pädishäi yhtes kohtas da hyvis ololois kai myvvä da ostua. Eigo? // Kuva: Ol'ga Smotrova

Nenga 25 vuvven aijannu olen oppinuh ostua ičele karjalankielizii julgavoloi. Silloi allus ylen äijii ei ni olluh suadavil, a niilöi sai löydiä Petroskois keskilinnal Exlibris-laukas. Sie ostin Makarovan sanakniigan da äijy muudu. Sidä myöte ku julgavoloin miäry liženi, ainos vai vaigiembakse rodih niilöi löydiä. Nygöi jo Exlibris-laukkugi hävii. Tiijän, erähii kniigoi voi suaha ilmai Kanzallizen poliitiekan ministerstvas, toizii voi ostua Periodika-julguamos, ken net löydänöy da ruohtinou mennä kyzelemäh. Kirjan kirjuttai toinah tiedäy, kus hänen kirjua voi löydiä.

Jälgiaijal olen suannuh suuren vuitin kirjois "ebänormualil" taval tundemal kirjuttajan. A huigei on ezitellä kirjua toizile da sanuo "en tiijä" kyzymykseh, kusbo sidä kirjua voi ostua. Suomes äijii kirjoi voi ostua Karjalan Kielen Seuran verkolaukas, libo toimistosgi, ku vai tiedäy konzu da kus. A lizäprobliemu on vie Suomen da Ven'an erilaine hindutazo. Kuibo sellittiä nämii probliemoi?

 

Eroittua syväindön tuottamine, painandu da myöndy

Karjalazien kirjoin painosmiärät ollah pienet, sendäh kirjoin myöndäl ei voi suurdu joukkuo elättiä. Syväindön tuottamizen hindu on painosmiäräs rippumatoi. Erähiči kirjuttai voi ilmai tarita painovalmehen kirjan jullattavakse, a toiči sadatuhattu euruo ei tävvy syväindön tuottamizeh. Kirjan painandu on kaiken aigua huovistunnuh da pienengi painoksen voi ottua huogehel yksikköhinnal. Sendäh valdivon da fondoin abudengat pidäs suunnata syväindön tuotandoh enne gu painoksen ostandah da kirjan ilmai juandah...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
Koudu: *
Partn`ourat