Vienan Karjala

Kirjutukset vienankarjalakse

“Kalevala”: tuttu da tundematoi

Kižuajil puutui myös improvizirua pieni spektakli eeposan mugah. // Kuva: Ol'ga Smotrova

Mennyt nedälil Karjalas piettih 180-vuozipäivän Kalevala-eeposan enzimäzes painandas. Linnois da kylis sikse merkipäiväkse piettih illaččuloi, urokkoi, valmistettih spektakliloi. Piälimäzenny pivonnu oli Kalevala-eeposan vienankarjalakse kiännöksen prezentatsii Kanzallizes kirjastos. Toizennu suurennu pivonnu rodih Minä da “Kalevala” -intellektualine kiža Karjalan Kanzallizes muzeis. Kižan järjestämisty hommai Kanzallizen poliitiekan ministerstvu, sen spetsialistat pandih yhteh ruadoh karjalan da vepsän kielen da kul’tuuran alan ruadajii: “Kalevalan” kiändäjii, tiedomiehii, TV:n da lehtien toimittajii, yliopiston da karjalan kielen kursiloin opastajii da opastujii, yhteiskunnallizih liittoloih kuulujii. Yhtet kižattih, toizet arvostettih, kolmandet valmistettih kyzymyksii, nelländet kačottih da kannatettih.  

Jygei, ga mieleh painui

Kyzymysty kižah niškoi valmistettih vägi suurel joukol rahvahal, sendäh net roittih eriluaduzet da mieldykiinnittäjät, kai pandih miettimäh, juohattamah eepossua, keksimäh midägi omua...

Hyvin ruatutti piädy Čičiliušku-tyttiteatran artistan Natalja Antonovan kyzymys: Jana Žemoiteliten Koirien Kalevala -spektaklin käzikirjutuksen mugah Sampo-mel’ničču mureni kallivuo vaste. Mittumua gor’ua tämän jälles rodih Kalevalan eläjile? Ei kaikin kačottu sidä “Čičiliuškun” spektaklii,sendäh oigiedu vastavustu tuli arvata. A vastavus oli ihan meijän elaigah niškoi: Karjalas tässäh on kylmy, a elektroenergii muga ni tulluh ei monih korbikylih...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat