Vienan Karjala

Kirjutukset vienankarjalakse

Kui lugie elättilöi?

Luvenduruadoloin aigua pidäs, ku siä pyzys povvannu, ruvennou ku tuuččuamah, ga sit jygei on lugie jälgilöi dai elättilöin liikundu sendäh voi muuttuo. // Kuva: Jelena Filippova

Tämän päivän mečästyskonnun erähänny suurimii ruadoloi on mečuittavien elättilöin luvun ellendämine. Mečästäjeshäi pidäy vagavah ottua čottah se, ku liigua mečäständiä ei pie olla da se, ku pidäy säilyttiä elättilöin rovut tuliekse aigua. Sih niškoi vuvven aigua tazavallas pietäh lugemisruadoloi.

Pakkaskuun tulduu juuri kevätkuussah, kuni lumikerros vie on luja, elättilöi lugietah jälgilöi da vastavuksii myöte. Sikse kulgietah tietty pala da lugietah kai verekset jället. Sih niškoi sidä päiviä vaste lugii ristikanzu astuu samastu meččypalua myöte da pyhkiy kai vahnat jället, a luvendupäivänny sputniekkunavigattoran vuoh lugietah da kirjoile pannah kai verekset jället. Samal aigua astujes kačotah täl muapalal lendäjii linduloi.

Pidäy vai, ku nämmien ruadoloin aigua siä pyzys povvannu, ruvennou ku tuuččuamah, ga sit jygei on lugie jälgilöi dai elättilöin liikundu sendäh voi muuttuo. Tarkoin da oigieloin tiedoloin suamizekse lugemisruavot pietäh joga vuottu enimytteh samois kohtis. Tietyn tiedokonehohjelman vuoh sellitetäh navigattoran kuvattuu da lugietah min verdu elättii eläy tutkittaval čupul. Enimyölleh se on piirin libo mečästyskonnun muat. Talvilugemizen jälles, sanakse, ellendetäh mi hirvie on olemas da min verdu niidy voibi mečuija tulien mečystysaijan aigua.

Kondien, mägrän, jenottukoiran lugemine

Ei kaikkii elättilöi voibi lugie täh luaduh. Se ei päi niilöih niškoi, ket muatah talviundu, kondiet, mägrät, jenottukoirat. Vaigevustu on sežo meččypočin da pohjazen pedran lugemizes. Nämmih elättilöih niškoi on oma luvendutaba. Kabjakkahien elättilöin lugemizekse käytetäh lendokonehii. Lendäjes pannah merkile elättilöinke vastavukset da merkitäh vastavundukohtan koordinuatat, sit äski lugietah niilöin lugu... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat