Vienan Karjala

Kirjutukset vienankarjalakse

Yle:s karjalan kieldy

Uudizii kiändäy da lugou anuksenkarjalaine Natalja Gilojeva.

Suomen Yle-kanualu rubei luadimah raadivo- da internetuudizii karjalan kielel

Raadivouudizii karjalakse Suomes sai kuulta 27. tuhukuudu. Ielleh Yle uudizet karjalakse -nimisty programmua voibi kuulta Pohjois-Karjalan Radios kerran nedälis piätteniččän 13.45 aigah. Tostu kerdua uudizii ruvetah lähettämäh samannu piän 17.45 aigah. Programmu kestäy lähes nelliä minuuttua. Programman valmistamizes da syväindös vastuau Yle Pohjois Karjala.

Uudisprogrammat roitah vie Yle Areenaan da Yle uudizet karjalakse -internetsivuloil. Sie lyödyy muudugi Yle Pohjois-Karjalan karjalakse kiännettyy uudistu.

 

Uudistu suomelazes yhteiskunnas muamankielel

– Karjalankielizien uudisprogrammoin tarkoituksennu on andua mahto karjalazile säilyttiä omua kieldy da toimie suomelazen yhteiskunnan ozannu, sanelou Yle Pohjois-Karjalan piälikkö Jyrki Utriainen.

Karjalankielizet uudizet valmistetah Yle Pohjois-Karjalan toimitukses Jovensuus. Uudizii kiändäy livvikse da lugou Itä-Suomen yliopiston tutkii Natalja Gilojeva. Hänen rinnale rodieu muudugi kiändäjiä: uudizii huavatah luadie eri murdehil.

– Tädä meis jo kodvan vuotettih da kyzyttih. Tiettäväine, pidi panna rattahile mostu ruaduo Pohjois-Karjalas. Karjalažus täs alovehel hyvin nägyy pravosluavizes uskondos. Karjalan kieldygi tutkitah da opastetah Itä-Suomen yliopistos Jovensuus. Täl čural eläy äijy rahvastu, kudamien juuret ollah rajantagazes Karjalas, ližiäy Utriainen...

Yle uudizet karjalakse internetas: yle.fi/uutiset/pohjois-karjala/karjalakse/

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat