Vienan Karjala

Kirjutukset vienankarjalakse

Hengi hengeh

Hengi hengeh -konsertal kerättih varoi uvven kirikön nostamizeh. // Kuva: Valentina Libertsova

Jeroilan Spuasan Käzitäluajitun obrazan kirikön prihodas nygöi kerätäh varua uudeh Jumaldoman Roindan kirikön nostandah. Se rodies lähembi Alavozen ristittyzile, sentäh ku on reknailtu panna se ihan kyläh, kus vahnan školan stadional jo ammui pietäh kylän dai piirin pruazniekkoi da kus jo mulloi salvettih prihodan kodi.

Kul’tuurutaloi da Spuasan Käzitäluajitun obrazan kirikön prihodu puaksuh ollah moizis suuris pidolois, kui Rastavu, Vahnu Uuzi Vuozi, Voitonpäivy, Maidopyhälasku, Äijypäivy, kirikönnimipruazniekku. Äijät kul’tuuran, školan, päivykoin ruadajat ollah uskovazet da pravoslavnoin rahvahallizen kul’tuuran suvaiččijat, hyö mielihyväl kävväh kirikköh da nengomih pidoloih, avvutettah ken milgi varustua da pidiä niidy.

Nygöigi rahvastu kerävyi tävvet laučat. Enzimäzikse kaččojii ihaškoitettih pikoi pikkarazet prihodan muruzet, kuduat pajatettih karjalakse ven’alaine pajoine, kuduan kiändi Ol’ga Limarenko. A varusti sen lapsukkazienke L’ubov’ Ivanova. L’uba on lapsekkahan perehen muamo, pajattau Pokrov-horas da Spuasan Käzitäluajitun obrazan kirikön klierosal, puaksuh taluu omii lapsii kirikköh da Pyhänpäivän školah, ičegi opastau prihodan lapsii. Mielihyväl inehmine ottihes opastumah livvin kieldy, kudual paistih perehes pienete, ga lapsii ei suannuh opastua sil aijal putilleh...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
Koudu: *
Partn`ourat