Vienan Karjala

Kirjutukset vienankarjalakse

Kaunottarekse rodih komilaine

Suomelas-ugrilazet kaunottaret // Kuva: Kuva: Natalja Iškina, “Oma Mua”

Kilvan histouries

Enzimäine kilbu piettih vuvvennu 2012 Marin tazavallas. Sinne lähtin minägi, endizen Itämerensuomelazien kielien da kul’tuuran tiedokunnan toizen vuozikursan opastui. Tottu sanuo, karjalaine delegatsii minunke lähti Joškar-Olah ilmai hyviä varustandua. Vaigu kahtu nedälii enne kilbua myö tiijustimmo matkah näh. Joškar-Olan teatran laval luvin karjalankielizen runon omah muah näh, pajatin da tansin. Silloi niken ei tiedänyh, mittuine se kilbu on, midä pidäy luadie, kui varustuo. Petroskoin yliopisto vaigu andoi den’gat matkulippuloih, ei auttanuh nimil. Minä voitin kahtes nominatsies, sain lahjat da lähtin oman kannatusjoukonke kodih.

Enzimäine voittai Tatjana Dudnikova sai omah Saranskah linnah niškoi  oigevuksen pidiä sit kilvan. Sit kilvas Petroskoin valdivonyliopistuo ezitti Ol’ga Gordijenko. Neidine piirusti čuurul Kižin kirikön da sai palkindon Miss-hymy –nominatsies,  voittajaksehäi rodih marilaine Viktorija Vorontsova. Vuvvennu 2014 kilbu uvvessah piettih Joškar-Olas. Viktorija Lindunen Toive-tansijoukonke ezitti Karjalua Marin tazavallas da tuli suomelas-ugrilazien opastujien Miss-titulan omistajan sijahizekse. Vuvven 2015 voittajakse tuli udmurtielaine Alina Antonova da hänen peräh kilbu ”meni” Iževskah...

Miss-kilbu Petroskois

Jo kolme vuottu peräkkäi kilbah yhtynyöt tytöt ozutetah oman kanzan taboi da perindölöi. Kilvan aihieloinnu oldih jo suomelas-ugrilazien kanzoin pruazniekat da tavat, svuad’bu- da kylvöperindöt. Tänä vuon tytöt ozutettih oman kanzan lapsen suanduperindölöi: pajatettih uinotuspajoloi, lugiettih luguloi, kerrottih omis tavois. Vie kois tytöt luajittih noumerat: hyö pajatettih omal kielel, tansittih. Teatran ekruanas ozutettih videot, kudamat tytöt sežo luajittih kois.

Karjalua ezitti Petroskoin valdivonyliopiston ulgomualazien kielien instituutan enzimäzen vuozikursan opastui Diana Nikitina. Tyttö loppi Suomelas-ugrilazen školan, kudamas opastui vienua.

– Minä olen ku koiru, karjalakse ellendän, ga en virka nimidä, sanoi šuutkahes Diana press-koferensiel...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat