Vienan Karjala

Kirjutukset vienankarjalakse

Kielimalto on tärgei

Seiččemetty vuottu karjalan kieldy opastujien joukos oli kaheksa hengie. // Kuva: Ol’ga Dubitskaja, “Oma Mua”.

Vienalazien, liygilazien, vepsäläzien da suomen kieldy opastujien keskes lapsii juattih kolmeh joukkoh sen mugah, kui hätken hyö opastutah kieldy. Enzimäzes joukos oldih nellätty vuottu kieldy opastujat lapset. Keskimäzes joukos net tytöt da brihačut, kuduat opastutah kieldy seiččemetty vuottu. Kolmandeh joukkoh kuuluttih net vahnembat lapset, kuduat opastutah karjalua, vepsiä da suomie yheksändes, kymmenendes da yhtendestostu kluasas.

Kielikilvan avajazis Karjalan Opastundan kehityksen keskuksen prorektoru Jelena Bogdanova tervehti lapsii da toivotti lykkyy kilbuniekoile. Karjalan opastundan ministru Aleksandr Morozov tervehti kilbuniekkoi ven’akse, hos Veškelyksespäi rodužin olii mies uskoitti kaikkii pidoh tulluzii, ku lapsusaijas mustau kuda-midä karjalakse, ga ei ruohti paista.

Kilvan avajazih oli kučuttugi Petroskoin Suomen konsul’stvan piälikkö Tuomas Kinnunen, kudai pidi varmuttu, ku kielien malto on ylen tärgei da hyövylline nygözes muailmas eläjes.

Kilbah tostu kerdua jo tuldih Piiterin školan n:o 23 suomen kielen opastujat. Meigäläzien suomen kielen opastajat vihjatah, ku piiteriläzil lapsil on ylen hyvä suomen kielen nero. Kilvan tulokset ilmoitettih sulakuun 5. päivänny. Kilvas voittanuot lapset suadih omat kunnivokirjazet da lahjat školis, kudamis opastutah...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat