Vienan Karjala

Kirjutukset vienankarjalakse

Huikkua pajuo, anna kottu vinguu

Kuva: Nygöi “Bes’odazes” on nellitostu pajattajua, viijestostu on pajojoukon piälikkö Emma Jolina (randimaine huruas čuras seizou). // Kuva: Kuva: Julija Veselova.

Ammui en ole käynnyh karjalazeh kyläh, kai igävy rodih sidä. Lehten piätoimittajannu olles ainos olet misgi ruavos, ga tottu sanuo enimät bumuagudielot ollah ihan tyhjät hökötykset. Linnas ruadajes da eläjes himoittau nähtä tovellistu kylälästy rahvastu da kuulta prostoidu karjalan kielen paginluaduu. Sendäh ylen äijäl ihastuin, konzu kučuttih käymäh Viidanan kyläh da Čalnah. Dai maksau sinne kävvä, ket etto vie olluh, ylen äijäl pitakoičen.

Čalnan pajojoukko ”Bes’odaine” tänä vuon täyttäy jo 25 vuottu. Algu sille pajojoukole oli pandu vuvvennu 1991 da luadimas sidä oli Galina Hanenko. Ainos kummeksin sidä ven’alastu inehmisty, kudai muga äijän luadiu karjalazien da inkeriläzien kul’tuuran hyväkse. Se aktiivine inehmine keräi iččeh ymbäri pajattamah rakkahii naizii. Allus algajen heidy oli kaheksa hengie, kaikin karjalazet, paiči joukon piälikkyö.

‒ Konzu vai Galina Grigorjevna Hanenko tuli ruadoh Viidanan kluubah, kerras keräi meidy pajojoukkoh. Muga rubeimmo pajattamah, kaikin rakkahal kuunneltih, niken ei sanonuh, midäbo net karjalazet pajatetah, nimidä ei sua ellendiä, hyväl mielel otettih vastah, mustelou Valentina F’odorovna Savinova, ”Bes’odazen” enzimäzii pajattajii.

‒ Silloi äijän pruazniekkua piimmö: ”Mamizen kieli”, ”Buabat da bunukat”, ”Karjalazien perehien pruazniekku”. Meidy kannatti Kanzallizen poliitiekan ministerstvu. Sit ečimmö kniigois da lövvimmö, ku Viidanan kylä vuvvennu 2001 täyttäy 500 vuottu. Sengi hyväkse pruazniekan valmistimmo. Den’gua oli vähä, ga minä lähtin paginale Vilgan souhozah da annettih meile tässäh mustan 500 rubl’ua, jatkau Galina Hanenko.

‒ Kunne vai myö emmo ajelluh da kus vai lienne emmo pajatannuh. Olimmo Suomes da Norjas, meijän kylät kai ajelimmo. Omasgi kyläs kaikis pruazniekois da kai valličendois meidy sai kuulta, ližiäy Tatjana Stepanovna Semenihina...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat