Vienan Karjala

Kirjutukset vienankarjalakse

Nouze lembi nostajes, liiku lembi liikutes!

“Santtu Karhu&Talvisovat” // Kuva: Natalja Iškina, “Oma Mua”

Nuori Karjala -liiton järjestetys perindöllizes pivos pajatettih kuulužat folkjoukot “Santtu Karhu&Talvisovat” da “Sattuma”. Tädä paiči ainavo karjalankieline räppäri Ondrei pajatti omat uvvet pajot da ozutti oman enzimäzen karjalankielizen räp-muuzikan levyn, kudai piäzi ilmoih juuri vaste illaččuu.

“Oma Mua” da “Nuori Karjala” piettih kogo päiväzenkunnan kilvan parahah karjalankielizeh rakkahuskirjazeh. Teemoinnu oldih rakkahus, dovarišus, rinnal olijan ristikanzan vältämättömys. Kilvan voittajakse rodih Kalevalan školan opastui Inna Aleksejeva, häi sai lahjakse tämän vuvven smartfonan Samsung Galaxy A5.

Illaččuh yhtyttih erähän tansiškolan kolme opastujua, kudamat tansittih tsirkupyöräl. Pivon järjestäi da vedai Natalja Antonova arbaitti rahvahallizii arbaituksii, avvutti lemmen nostajes.

– Rahvas tietäh “Lembie”, vuotetah kevätty, illaččuu. En lugenuh, äijygo “Lembie” pidi  “Nuori Karjala”, onnuako tämä on jo kaheksas… Tänä vuon eräs naine tuli lavale da kiitti meidy, järjestäjii, ku perindöllizesti piemmö tädä illaččuu, kerdoi, ku kolme vuottu tagaperin vastai täs illačus tulien ukon, nygöi joga vuottu hyö kahtei tullah meile, kerdoi Natalja... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat